ព័ត៌មានក្នុងខេត្ត

មណ្ឌលគីរី : នាព្រឹកថ្ងៃទី១៦ ខែកក្កដា ឆ្នាំ២០២៦ លោកជំទាវ ថងភៀន ឆៃម៉ាលី អនុរដ្ឋលេខាធិការក្រសួងកិច្ចការនារី និងជាប្រធានក្រុមការងារចុះជួយសង្កាត់ស្ពានមានជ័យ លោកស្រី កែវ សាវឿន អភិបាលរងខេត្ដ បានអញ្ជើញជាគណៈអធិបតី ក្នុងវេទិកាសាធារណៈថ្នាក់ជាតិ ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល សម្រាប់នីតិកាលទី៧ ដើម្បីពង្រឹងយន្តការដោះស្រាយបញ្ហាប្រឈម និងឆ្លើយតបទៅនឹងសំណូមពររបស់ប្រជាពលរដ្ឋនៅមូលដ្ឋានឱ្យកាន់តែមានប្រសិទ្ធភាព។ ពិធីនេះក៏មានការអញ្ជើញចូលរួមពី លោក ហៀក សុផាន អនុប្រធានអចិន្ត្រៃយ៍ក្រុមការងាររាជរដ្ឋាភិបាលចុះមូលដ្ឋានក្រុងសែនមនោរម្យ និងជាអភិបាលក្រុងសែនមនោរម្យ ព្រមទាំងលោក លោកស្រី ជាប្រធាន-អនុប្រធានមន្ទីរ អង្គភាពពាក់ព័ន្ធ ចៅសង្កាត់ មេភូមិ និងប្រជាពលរដ្ឋយ៉ាងច្រើនកុះករ ដែលបានប្រព្រឹត្តទៅនៅសាលាសង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។

នៅព្រឹកថ្ងៃព្រហស្បតិ៍ ២កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែកក្កដា លោក ចាន់ រតនា អភិបាលរងខេត្ត តំណាងឯកឧត្ដម គង់ គឹមនី អភិបាល នៃគណៈអភិបាលខេត្តមណ្ឌលគិរី បានអញ្ជើញដឹកនាំកិច្ចប្រជុំត្រួតពិនិត្យលើការងារលេខាធិការដ្ឋាន នៃគណៈកម្មាធិការត្រួតពិនិត្យ គ្រឿងញៀនខេត្តមណ្ឌលគិរី។ កិច្ចប្រជុំនេះក៏មានការអញ្ជើញចូលរួមពីសំណាក់ លោក មេបញ្ជាការ មេបញ្ជាការរងកងកម្លាំងទាំងបី លោកនាយករង រដ្ឋបាលសាលាខេត្ត និងការិយាល័យជំនាញពាក់ព័ន្ធ ដែលប្រព្រឹត្តទៅនៅសាលប្រជុំអគារ គ រដ្ឋបាលសាលាខេត្ត។

ព្រឹកថ្ងៃព្រហស្បតិ៍ ទី១៦ ខែកក្កដាឆ្នាំ២០២៦ ក្រោមការយកចិត្តទុកដាក់ ឯកឧត្តម គង់ គឹមនី អភិបាល នៃគណៈអភិបាលខេត្តមណ្ឌលគិរី បានចាត់ លោក អាន សុឃីម នាយកប្រតិបត្តិ ក្រុមមន្ត្រីប្រតិបត្តិ សាខាកាកបាទក្រហមកម្ពុជា ខេត្ត អនុសាខាស្រុក យុវជន អ្នកស្ម័គ្រចិត្តកាកបាទក្រហមកម្ពុជា ប្រចាំស្រុកពេជ្រាដា និងអាជ្ញាធរភូមិ ឃុំ នាំយកឃីតមនុស្សធម៌កាកបាទក្រហមកម្ពុជា ចុះសួរសុខទុក្ខគ្រួសារចាស់ជរា ទីទ័លក្រ ចំនួន២គ្រួសារ នៅភូមិពូក្រេង ឃុំស្រែអំពូម ស្រុកពេជ្រាដា ។

​មណ្ឌលគិរី៖ ដើម្បីលើកកម្ពស់ការយល់ដឹង និងធានាបាននូវសិទ្ធិអត្ថប្រយោជន៍របស់ជនមានពិការភាព នារសៀលថ្ងៃទី១៤ ខែកក្កដា ឆ្នាំ២០២៦ មន្ត្រីជំនាញនៃមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តមណ្ឌលគិរី បានចុះវាយតម្លៃការចុះកិច្ចបញ្ជិកាលើការអនុវត្តច្បាប់ស្តីពីកិច្ចការពារ និងលើកកម្ពស់សិទ្ធិជនពិការនិងធ្វើការផ្សព្វផ្សាយដោយផ្ទាល់អំពីអត្ថប្រយោជន៍ និងនីតិវិធីនៃការស្នើសុំ "បណ្ណសម្គាល់ជនមានពិការភាព" ជូនដល់បុគ្គលិកដែលមានពិការភាព ដែលកំពុងបំពេញការងារនៅក្រុមហ៊ុនរោងចក្រកែច្នៃកៅស៊ូ សុកហ្វីន ស្ថិតក្នុងឃុំប៊ូស្រា ស្រុកពេជ្រាដា ខេត្តមណ្ឌលគិរី។ ​ក្នុងឱកាសនោះ មន្ត្រីជំនាញបានគូសបញ្ជាក់ថា បណ្ណសម្គាល់ជនមានពិការភាព គឺជាឯកសារគតិយុត្តដ៏សំខាន់ ដែលអនុញ្ញាតឱ្យជនមានពិការភាពទទួលបាននូវសិទ្ធិ និងអត្ថប្រយោជន៍ជាច្រើនពីសំណាក់រាជរដ្ឋាភិបាល។

វិស័យកសិកម្មនៅក្នុងខេត្តមណ្ឌលគិរី កំពុងបង្ហាញពីវឌ្ឍនភាព និងសក្តានុពលសេដ្ឋកិច្ចយ៉ាងខ្លាំងក្លា ខណៈដែលប្រជាកសិករនៅក្នុងភូមិពូលូង សង្កាត់រមនា ក្រុងសែនមនោរម្យ កំពុងមមាញឹកក្នុងការថែទាំ និងពង្រីកផ្ទៃដីដាំដុះដំណាំកាហ្វេបន្ថែម ដើម្បីបំពេញតម្រូវការទីផ្សារក្នុងស្រុក ដែលកំពុងមានការគាំទ្រខ្ពស់លើគុណភាព និងរសជាតិកាហ្វេតំបន់ខ្ពង់រាប។

ខេត្តមណ្ឌលគិរី ៖ ដើម្បីជំរុញការអភិរក្ស ការអភិវឌ្ឍទេសចរណ៍ធម្មជាតិ និងការអភិវឌ្ឍន៍ប្រកបដោយចីរភាព នាព្រឹកថ្ងៃទី១៤ ខែកក្កដា ឆ្នាំ២០២៦ អាជ្ញាធរខេត្តមណ្ឌលគិរី សហការជាមួយអង្គការ WWF-កម្ពុជា ក្រោមការសម្របសម្រួលដោយមន្ទីរបរិស្ថានខេត្ត បានរួមគ្នាប្រារព្ធពិធីដាំកូនឈើចម្រុះចំនួន ៣,០០០ដើម លើផ្ទៃដីទំហំ ៣ហិកតា ស្ថិតនៅភូមិពូជ្រៃចុងផាង ឃុំពូជ្រៃ ស្រុកពេជ្រាដា ខេត្តមណ្ឌលគិរី។

មណ្ឌលគិរី៖ ក្នុងស្មារតីជំរុញសកម្មភាពសេដ្ឋកិច្ច និងទាក់ទាញការវិនិយោគបន្ថែមនៅតំបន់ភូមិភាគឦសាន ឯកឧត្តម ពេជ្រ សម្បត្តិ អនុរដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ និងជាសមាជិកនៃក្រុមការងារជំរុញការវិនិយោគក្នុងភូមិភាគឦសាន (ក.វ.ឦសាន) បានដឹកនាំក្រុមការងារចុះត្រួតពិនិត្យទីតាំងគម្រោងវិនិយោគជាក់ស្តែង ដែលបានស្នើការលើកទឹកចិត្ត ការអនុគ្រោះ និងសម្រួលនីតិវិធី និងចុះជួបផ្ទាល់ជាមួយក្រុមហ៊ុន ដោយមានការអញ្ជើញចូលរួមពីលោក លោកស្រីប្រធាន អនុប្រធានមន្ទីរ/អង្គភាពពាក់ព័ន្ធ ព្រមទាំងតំណាងក្រុមហ៊ុនជាច្រើននាក់​ ស្ថិតក្នុងស្រុកអូររាំង និងស្រុកពេជ្រាដា ខេត្តមណ្ឌលគិរី នាព្រឹកថ្ងៃទី១៣ ខែកក្ដដា ឆ្នាំ២០២៦ ។

ខេត្តមណ្ឌលគិរី ៖ មន្ទីរបរិស្ថានខេត្តមណ្ឌលគិរី បានបញ្ចេញរបាយការណ៍បូកសរុបលទ្ធផលការងារប្រចាំឆមាសទី១ ឆ្នាំ២០២៦ ដែល ក្នុងរបាយការណ៍នោះបានបង្ហាញពីសមិទ្ធផលគួរឱ្យកត់សម្គាល់លើការងារស្នូលចំនួនពីរ គឺការរឹតបន្តឹងការអនុវត្តច្បាប់ការពារព្រៃឈើ-សត្វព្រៃ និងការជំរុញការយល់ដឹងពីបរិស្ថានតាមរយៈយុទ្ធនាការកាត់បន្ថយការប្រើប្រាស់ថង់ប្លាស្ទិកយ៉ាងទូលំទូលាយ។

សំណើសុំសម្របសម្រួលលើការងាររត់ខ្សែបណ្តាញអគ្គិសនី ៣៥KV សម្រាប់សាងសង់ស្ថានីយផលិតអគ្គិសនីដើរដោយថាមពលខ្យល់ទំហំ ១៥០មេហ្គាវ៉ាត់ ស្ថិតនៅក្នុងភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី។

មណ្ឌលគិរី ៖ នៅព្រឹកថ្ងៃអង្គារ ទី៧ ខែកក្កដា ឆ្នាំ២០២៦នេះ សម្តេចតេជោ ហ៊ុន សែន ប្រធាន​ព្រឹទ្ធសភាកម្ពុជា និងជាប្រធានគណបក្សប្រជាជនកម្ពុជា អញ្ជើញ​​ជួប​​សំណេះ​​សំណាល​ជាមួយ​ក្រុម​ប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គ​ភាពនានា ​ជុំវិញ​ខេត្ត​មណ្ឌលគិរី ដែលជាខេត្តភាគ​ឦ​សាននៃប្រទេសកម្ពុជា។ ពិធីសំណេះសំណាលនេះ មានការអញ្ជើញចូលរួមពីសមាជិកព្រឹទ្ធសភា រដ្ឋសភា ប្រធាន អនុ​ប្រធាន​ក្រុមការងារថ្នាក់ជាតិចុះជួយខេត្ត សមាជិកក្រុម​ប្រឹក្សាខេត្ត ក្រុង ស្រុក ឃុំ សង្កាត់ ព្រម​ទាំង​ថ្នាក់ដឹកនាំមន្ទីរ អង្គភាពនានាជុំវិញខេត្តប្រមាណជា ៥០០នាក់ នៅសាលប្រជុំសាលាខេត្ត។

យោង ៖ លិខិតលេខ ៧៣៣/២៦ អ.ន.ញ ចុះថ្ងៃទី២៩ ខែមិថុនា ឆ្នាំ២០២៦ របស់រដ្ឋបាលខេត្តមណ្ឌលគិរី ស្តីពីការអនុញ្ញាត ដល់មន្ទីរវប្បធម៌និងវិចិត្រសិល្បៈ ខេត្តមណ្ឌលគិរី រៀបចំមហោស្រពសិល្បៈចម្រៀងបុរាណនិងសម័យ ឆ្នាំ២០២៦។

មណ្ឌលគិរី ៖ រមណីយដ្ឋានទឹកជ្រោះប៊ូស្រា គឺជារមណីយដ្ឋានធម្មជាតិដ៏ល្បីល្បាញមួយ ដែលមានទីតាំងស្ថិតនៅក្នុងស្រុកពេជ្រាដា ខេត្តមណ្ឌលគិរី។ ទឹកជ្រោះនេះ ជាគោលដៅដ៏សំខាន់ សម្រាបទាក់ទាញភ្ញៀវទេសចរជាតិ អន្តរជាតិ អញ្ជើញទស្សនាកម្សាន្ត ដើម្បីបន្ថូរអារម្មណ៍តានតឹងក្រោយពីការងារ និងការសិក្សា នៅថ្ងៃឈប់សម្រាក ឬពិធីបុណ្យផ្សេងៗ ។