ព័ត៌មានក្នុងខេត្ត

នៅព្រឹកថ្ងៃទី៣០ ខែកញ្ញា ឆ្នាំ២០២៦ ឯកឧត្តម សុត សឿន អនុរដ្ឋលេខាធិការ ក្រសួងអភិវឌ្ឍន៍ជនបទ និងជាប្រធានក្រុមការងារថ្នាក់ជាតិចុះមូលដ្ឋានឃុំស្រែព្រះ បានអញ្ជើញជាអធិបតីភាពក្នុង «វេទិកាសាធារណៈថ្នាក់ជាតិ» ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ដែលពិធីនេះបានប្រព្រឹត្តទៅនៅសាលាឃុំស្រែព្រះ ស្រុកកែវសីមា។

ខេត្តមណ្ឌលគិរី ៖ អាជ្ញាធរស្រុកពេជ្រាដា សហការជាមួយអង្គការបណ្តាញទូរស័ព្ទជំនួយកុមារកម្ពុជា (Child Helpline Cambodia) បានរៀបចំកម្មវិធីកិច្ចសន្ទនាសហគមន៍ក្រោមប្រធានបទ «បញ្ឈប់អាពាហ៍ពិពាហ៍កុមារ ការមានផ្ទៃពោះវ័យជំទង់ និងអំពើហិង្សាទាក់ទងនឹងយេនឌ័រ» នាព្រឹកថ្ងៃទី២៥ ខែកញ្ញា ឆ្នាំ២០២៦ នៅសាលាឃុំប៊ូស្រា ស្រុកពេជ្រាដា ខេត្តមណ្ឌលគិរី។ ពិធីនេះបានប្រព្រឹត្តទៅក្រោមវត្តមានលោកស្រី សោម សុវត្តី អនុប្រធានមន្ទីរកិច្ចការនារីខេត្តមណ្ឌលគិរី, លោកស្រី ស៊ន់ សុខគង់ អភិបាលរងស្រុកពេជ្រាដា និងលោកស្រី ប៉ែន ពិដោគន្ធា ប្រធានកម្មវិធីនៃអង្គការបណ្តាញទូរស័ព្ទជំនួយកុមារកម្ពុជា ព្រមទាំងមានការចូលរួមពីសំណាក់អាជ្ញាធរមូលដ្ឋាន មាតាបិតា អាណាព្យាបាល កុមារា កុមារី និងតំណាងសហគមន៍ជាច្រើនរូប។

នៅរាត្រីថ្ងៃអាទិត្យទី៦ ខែកញ្ញា ឆ្នាំ២០២៦ លោក សី ទូច អភិបាលស្រុកកោះញែក បានសម្ដែងការសោកស្តាយយ៉ាងខ្លាំងចំពោះការបាត់បង់ជីវិតរបស់ស្ត្រីម្នាក់ និងបានអំពាវនាវឱ្យប្រជាពលរដ្ឋជៀសវាងការប្រើអំពើហិង្សាក្រោយកើតមានហេតុការណ៍ប្រជាពលរដ្ឋមួយក្រុមបានលើកគ្នាកម្ទេច និងដុតបំផ្លាញទីស្នាក់ការរងដែនជម្រកសត្វព្រៃលំផាត់ កាលពីវេលាម៉ោងប្រមាណ ៤រសៀល ថ្ងៃទី៦ ខែកញ្ញា ឆ្នាំ២០២៦។

ដើម្បីសម្រួលដល់ការប្រើប្រាស់ឯកសារផ្លូវការ និងឆ្លើយតបតាមតម្រូវការចាំបាច់របស់ប្រជាពលរដ្ឋ កម្លាំងផ្នែកជំនាញអត្តសញ្ញាណកម្ម នៃអធិការដ្ឋាននគរបាលក្រុងសែនមនោរម្យ សហការជាមួយប៉ុស្តិ៍នគរបាលរដ្ឋបាលទាំង ៤ បាននិងកំពុងបន្តយុទ្ធនាការយ៉ាងសកម្មក្នុងការចុះថត និងផ្តល់អត្តសញ្ញាណប័ណ្ណសញ្ជាតិខ្មែរជូនប្រជាពលរដ្ឋដែលមានអាយុចាប់ពី ១៥ ឆ្នាំឡើងទៅ ព្រមទាំងប្រជាពលរដ្ឋដែលអត្តសញ្ញាណប័ណ្ណអស់សុពលភាព ដោយផ្ទាល់ដល់មូលដ្ឋាន។

ខេត្តមណ្ឌលគិរី៖​ នៅរសៀលថ្ងៃទី​២៥​ ខែសីហា​ ឆ្នាំ២០២៦​ លោកជំទាវ​ខៀវ​ ប៊ុនលីន​ សមាជិកក្រុមប្រឹក្សាខេត្ត​ និងជាប្រធានគណៈកម្មាធិការពិគ្រោះយោបល់កិច្ចការស្រ្តី​ និងកុមារ​ខេត្ត​មណ្ឌលគិរី​ លោកស្រី​ កែវសាវឿន​ អភិបាលរងខេត្ត​ បានអញ្ជេីញដឹកនាំកិច្ចប្រជុំសាមញ្ញលេីកទី២៥​ ឆ្នាំទី៣​ អាណត្តិទី៤​ របស់គណៈកម្មាធិការពិគ្រោះយោបល់កិច្ចការស្ត្រី​ និងកុមារខេត្តមណ្ឌលគិរី​ .។

វេទិកានេះរៀបចំឡេីងក្នុងគោលបំណង​ ឲ្យប្រជាពលរដ្ឋ​ លេីកឡេីងនូវ​ កង្វល់​ សំណេីសំណូមពរ​ បញ្ហាប្រឈមនានា​ ដេីម្បីរកដំណោះស្រាយ​ ជូន​ប្រជាពលរដ្ឋ​ក្នុងមូលដ្ឋាន​អោយទាន់ពេលវេលា​ និងមានប្រសិទ្ធភាព​ ស្របតាមកម្មវិធី​គោលនយោបាយ​ យុទ្ធសាស្ត្របញ្ចកោណ​របស់រាជរដ្ឋាភិបាល ក្នុងការតាមដាន ត្រួតពិនិត្យការអនុវត្តរបស់មន្ត្រីថ្នាក់ក្រោមជាតិ ស្វែងយល់ពីការលំបាក បញ្ហាប្រឈម តម្រូវការ និងសំណូមពរនានារបស់ប្រជាពលរដ្ឋនៅមូលដ្ឋាន ដើម្បីរួមគ្នាសិក្សា ដោះស្រាយបញ្ហាជូនប្រជាពលរដ្ឋឲ្យបានទាន់ពេលវេលា និងរាយការណ៍ជូនរាជរដ្ឋាភិបាល ក្នុងការរៀបចំផែនការយុទ្ធសាស្ត្រអភិវឌ្ឍន៍មូលដ្ឋានឲ្យបានសមស្របតាមតម្រូវការជាក់ស្ដែងរបស់ប្រជាពលរដ្ឋ។

មណ្ឌលគិរី ៖ នាព្រឹកថ្ងៃទី២នេះ នៃដំណើរការសំណេរប្រឡងសញ្ញាបត្រទុតិយភូមិ (បាក់ឌុប) នៅមណ្ឌលវិទ្យាល័យ ហ៊ុន សែន មណ្ឌលគិរី នៅចុងម៉ោង សីលធម៌ ពលរដ្ឋ បេក្ខជន ២នាក់ ផ្នែកវិទ្យាសាស្ត្រសង្គម ១នាក់ ឈ្មោះ ស្រ៊ន់ ស្រីការ បន្ទប់លេខ២៤ លេតុ ៥៨២ មានអាការៈថប់ដង្ហើម និង២-ឈ្មោះ ចាន់ លីការ បន្ទប់លេខ៤ លេខតុ ៨៨ អស់កម្លាំង ក្រោមការពិនិត្យយ៉ាងយកចិត្តទុកដាក់ពីក្រុមគ្រូពេទ្យ ក្រោយមកគាត់ទាំងពីរ បានចូលទៅបន្ទប់ប្រឡងវិញ រហូតដល់ចប់ម៉ោង នេះបើតាមការបញ្ជាក់របស់លោក លី សាមិ ប្រធានមន្ទីរអប់រំយុវជន និងកីឡាខេត្តមណ្ឌលគិរី។

ខេត្តមណ្ឌលគិរី ៖ អត្តសញ្ញាណបណ្ណសញ្ជាតិខ្មែរ ត្រូវបានចាត់ទុកជាឯកសារផ្លូវការដ៏មានតម្លៃមិនអាចខ្វះបានសម្រាប់ពលរដ្ឋគ្រប់រូប ក្នុងការអះអាងពីអត្តសញ្ញាណ ព្រមទាំងសិទ្ធិជាពលរដ្ឋពេញលេញតាមផ្លូវច្បាប់។ ការមានឯកសារនេះនៅក្នុងដៃ មិនត្រឹមតែជាការបំពេញកាតព្វកិច្ចស្របច្បាប់ប៉ុណ្ណោះទេ ថែមទាំងសំខាន់ក្នុងការទទួលបានសេវាសាធារណៈ សេវាសង្គមកិច្ច និងការធ្វើប្រតិបត្តិការផ្សេងៗក្នុងជីវភាពប្រចាំថ្ងៃ។

ឯកឧត្តម ទិន ពន្លក រដ្ឋលេខាធិការក្រសួងបរិស្ថាន និងប្រធានក្រុមការងារចុះមូលដ្ឋានស្រុកកែវសីមា និង ឯកឧត្តម សួន សុឃីម រដ្ឋលេខាធិការក្រសួងផែនការ និងជាអនុប្រធានក្រុមការងារចុះមូលដ្ឋានស្រុកកែវសីមា បានអញ្ជើញជាអធិបតីក្នុងវេទិកាសាធារណៈថ្នាក់ជាតិ ដើម្បីឆ្លុះបញ្ចាំងលើការគាំទ្រយុទ្ធសាស្រ្តបញ្ចកោណ ដំណាក់កាលទី១ នីតិកាលទី៧ របស់រាជរដ្ឋាភិបាល។

លោក ចាន់ រតនា អភិបាលរងខេត្តមណ្ឌលគិរី បានអញ្ជើញចូលរួម ក្នុងពិធីសែនព្រេនដីសាងសង់បង្គោលកង្ហាខ្យល់ជូនសហគមន៍ជនជាតិដើមភាគតិចស្រែអ៊ី និងសហគមន៍ការពារធនធានធម្មជាតិណំភុំ(ស្រែអ៊ី)​ ដោយមានការចូលរួមពីលោក ហៀក សុផាន អភិបាលក្រុងសែនមនោរម្យ លោក ទូច រស្មី ប្រធានមន្ទីរធម្មការ និងសាសនាខេត្ត តំណាងមន្ទីរអភិវឌ្ឍន៍ជនបទ មន្ទីរវប្បធម៌ និងវិចិត្រសិល្បះខេត្ត ព្រមទាំងលោកអភិបាលរងក្រុង អាជ្ញាធរភូមិ-សង្កាត់ តំណាងសហគមន៍ និងបងប្អូនប្រជាពលរដ្ឋជាជនជាតិដើមភាគតិចយ៉ាងច្រើនកុះករ ស្ថិតនៅក្នុងភូមិស្រែអ៊ី សង្កាត់រមនា ។

មណ្ឌលគិរី ៖ នៅព្រឹកថ្ងៃចន្ទ ៥រោច ខែទុតិយាសាធ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែសីហា ឆ្នាំ២០២៦ លោក អ៊ុំ សារ៉ាន់ ប្រធានក្រុមប្រឹក្សាស្រុក និងលោក វណ្ណា ម៉ាប់ អភិបាលស្រុក និងជាប្រធានសហភាពសហព័ន្ឋយុវជនកម្ពុជាស្រុកពេជ្រាដា បានអញ្ជើញជាអធិបតីក្នុងពិធីសំណេះសំណាលជាមួយសិស្សានុសិស្សត្រៀមប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា ២០២៥-២០២៦ មានសិស្សសរុបចំនួន ៥៣នាក់។ ពិធីនេះមានការចូលរួមពីលោក លោកស្រី សមាជិកក្រុមប្រឹក្សាស្រុក អភិបាលរងស្រុក កងកម្លាំងទាំងបីប្រភេទ អនុប្រធាន និងសមាជិក សហភាពសហព័ន្ឋយុវជនកម្ពុជាស្រុកពេជ្រាដា លោក លោកស្រី នាយករងរដ្ឋបាលស្រុក លោកប្រធានការិយាល័យអប់រំស្រុក លោក នាយកវិទ្យាល័យ លោកគ្រូ និងអ្នកគ្រូ សរុប ៩៤ នាក់ ដែលប្រព្រឹត្តទៅនៅសាលប្រជុំសាលាស្រុក។ ក្នុងកម្មវិធីនេះ ស.ស.យ.ក បានឧបត្ថមដល់គ្រូបង្រៀនបំប៉នសិស្ស ០២នាក់ ក្នុងម្នាក់ៗ ទទួលបានថវិកា ២៥០,០០០៛ (ថវិការបស់ ស.ស.យ.ក ខេត្ត) លោកគ្រូ អ្នកគ្រូ និងសិស្សានុសិស្ស ៧៣នាក់ ក្នុងម្នាក់ៗ ទទួលបាន៥០,០០០៛ ថវិការដ្ឋបាលស្រុក ៕

មណ្ឌលគិរី ៖ ដោយមានការយកចិត្តទុកដាក់ខ្ពស់ពីឯកឧត្តម គង់ គឹមនី អភិបាល នៃគណៈអភិបាលខេត្តមណ្ឌលគិរី នាព្រឹកថ្ងៃចន្ទ ទី៣ ខែសីហា ឆ្នាំ២០២៦ ក្រុមការងាររដ្ឋបាលស្រុកអូររាំង ដឹកនាំដោយលោក ឌុន សុខា ប្រធានក្រុមប្រឹក្សាស្រុក លោក សៀក មុន្នី អភិបាលនៃគណៈអភិបាលស្រុក រួមទាំងមន្ត្រីក្រោមឱវាទ ចុះសួរសុខទុក្ខដល់វីរៈកងទ័ពឈ្មោះ ញើច វិនដា អាយុ ៣៦ឆ្នាំ ឈរជើងនៅព្រំដែនមុំបីនៃខេត្តព្រះវិហារ ដែលមានទីលំនៅភូមិពូឆប ឃុំដាក់ដាំ ស្រុកអូររាំង ខេត្តមណ្ឌលគិរី មានជំងឺថ្លង់ត្រចៀក ដោយសារបាញ់អាវុធធុនB40ជាមួយចោរសៀមឈ្លានពាន ហើយបច្ចុប្បន្នសម្រាកព្យាបាលជម្ងឺគ្រុនឈាមកំរិតធ្ងន់ នៅមន្ទីរពេទ្យបង្អែក ខេត្តមណ្ឌលគិរី។