ព័ត៌មានក្នុងខេត្ត

នាថ្ងៃទី២៦ ខែកក្កដា ឆ្នាំ២០២៦ លោក សាន់ ដារិទ្ធ តំណាងដ៏ខ្ពង់ខ្ពស់របស់ ឯកឧត្តម គង់ គឹមនី អភិបាលនៃគណៈអភិបាលខេត្តមណ្ឌលគិរី បានអញ្ជើញចូលរួមជាអធិបតីភាពជាមួយ ឯកឧត្តម សុទ្ធ សឿន អនុរដ្ឋលេខាធិការ និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំស្រែព្រះ ព្រមទាំងតំណាងអង្គការមណ្ឌលថែទាំសុខភាពកុមារចេនឡា ក្នុងពិធីចុះពិនិត្យ និងព្យាបាលជំងឺទូទៅជូនប្រជាពលរដ្ឋដោយឥតគិតថ្លៃ។ ពិធីនេះបានប្រព្រឹត្តទៅនៅសាលាបឋមសិក្សាត្រពាំងទូក ស្ថិតក្នុងភូមិអូរច្រា ឃុំស្រែព្រះ ស្រុកកែវសីមា ខេត្តមណ្ឌលគិរី ដោយមានប្រជាពលរដ្ឋយ៉ាងច្រើនកុះករប្រមាណជាង ៥០០នាក់ បានអញ្ជើញមកទទួលសេវាពិនិត្យ និងព្យាបាលជំងឺ។