សិក្ខាសាលាស្តីពី «យេនឌ័រ ស្ត្រី សន្តិភាព និងសន្តិសុខ» ដើម្បីពង្រឹងតួនាទីស្ត្រីក្នុងការអភិវឌ្ឍ និងកសាងសន្តិភាពក្នុងសហគមន៍ នៅខេត្តមណ្ឌលគិរី

មណ្ឌលគិរី៖ ដើម្បីលើកកម្ពស់សិទ្ធិ អំណាច និងបង្កើនការចូលរួមរបស់ស្ត្រីក្នុងកិច្ចការសន្តិសុខ និងការអភិវឌ្ឍសង្គម នៅព្រឹកថ្ងៃទី២១ ខែកក្កដា ឆ្នាំ២០២៦ អង្គការក្រុមការងារដើម្បីដោះស្រាយទំនាស់(ក.ដ.ទ) សហការជាមួយមន្ទីរកិច្ចការនារីខេត្តមណ្ឌលគិរី បានរៀបចំ «សិក្ខាសាលាស្តីពី យេនឌ័រ ស្ត្រី សន្តិភាព និងសន្តិសុខ» ក្រោមវត្តមានលោកស្រី ស្រី សុធាវី នាយិកាប្រតិបត្តិ អង្គការក្រុមការងារដើម្បីដោះស្រាយទំនាស់ លោកស្រី ម៉ាលី សុខនី ប្រធានមន្ទីរកិច្ចការនារីខេត្តមណ្ឌលគិរី រួមទាំងតំណាងមន្ទីរ-អង្គភាពជុំវិញខេត្ត អាជ្ញាធរក្រុង-ស្រុក និងភាគីពាក់ព័ន្ធជាច្រើនរូប ដែលប្រព្រឹត្តទៅ នៅសាលប្រជុំសណ្ឋាគារពេជ្រដា។