ព័ត៌មានតាមបណ្តារខេត្ត

បាត់ដំបង៖ ក្រសួងសាធារណការ និងដឹកជញ្ជូន បានបើកកិច្ចប្រជុំជាមួយប្រតិភូធនាគារអភិវឌ្ឍន៍អាស៊ី (ADB) ដែលបានរៀបចំឡើងនាព្រឹកថ្ងៃទី១៣ ខែសីហា ឆ្នាំ២០២៦ នៅសាលប្រជុំស្ថានីយប្រព្រឹត្តកម្មទឹកកខ្វក់ក្រុងបាត់ដំបងផ្នែកខាងលិចស្ទឹង ដោយមានការអញ្ជើញចូលរួមពីលោក ហេង វណ្ណនី អភិបាលរងខេត្តបាត់ដំបង តំណាងឯកឧត្តម សុខ លូ អភិបាលនៃគណៈអភិបាលខេត្តបាត់ដំបង ឯកឧត្តម វង្ស ពិសិដ្ឋ អនុរដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង និងតំណាងទីប្រឹក្សាបច្ចេកទេសគម្រោង លោក កូអ៊ីន អេវើរត៍ (Koen EVERAERT) គណៈប្រតិភូសហភាពអឺរ៉ុបប្រចាំព្រះរាជាណាចក្រកម្ពុជា លោកអភិបាលរងក្រុងបាត់ដំបង លោកស្រីប្រធានអង្គភាពគ្រប់គ្រងប្រព័ន្ធចម្រោះទឹកកខ្វក់ មន្ត្រីអនុវត្តគម្រោង(PIU) និងមន្ត្រីជំនាញពាក់ព័ន្ធ។

បាត់ដំបងៈ គណៈកម្មការគ្រប់គ្រងអនុវិទ្យាល័យខ្នាចរមាស រួមជាមួយសប្បុរសជន និងអង្គការដៃគូ នាថ្ងៃទី១២ ខែសីហា ឆ្នាំ២០២៦ បាននាំយកនូវអំណោយមានអង្ករ និងសម្ភារៈសិក្សា ចែកជូនដល់សិស្សអាហារូបករណ៍ចំនួន២៥ នាក់ ដោយមានការអញ្ជើញចូលរួមពី លោក ណែន សារ៉ា នាយកអនុវិទ្យាល័យខ្នាចរមាស និងលោកគ្រូ អ្នកគ្រូជាច្រើនរូបទៀត។

ដើម្បីធានាបានក្បាលដី និងព្រំដីឲ្យបានច្បាស់លាស់ និងជៀសវាងការរំលោភដីសាធារណៈរបស់រដ្ឋ លោក ផេន សុផល អភិបាលរងនៃគណៈអភិបាលខេត្តកំពង់ចាមបានអញ្ជើញដឹកនាំកិច្ចប្រជុំពិនិត្យ ពិភាក្សា និងចុះវាស់វែងទិន្នន័យ ប្លង់ក្បាលដីស្ថានីយប្រព្រឹត្តកម្មទឹកកខ្វក់បឹងស្នាយ, ប្លង់ក្បាលដីជុំវិញបឹងបាសាក់ និងប្លង់ក្បាលដីជុំវិញ សួនតេជោ។

ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន ប្រធានកិត្តិយសនៃសមាគមអភិរក្សដំរីអៃរ៉ាវត្តា នៅព្រលប់ថ្ងៃទី១២ ខែសីហា ឆ្នាំ២០២៦នេះ បានអញ្ជើញចូលរួមក្នុងកម្មវិធីបានអញ្ជើញចូលរួមក្នុងកម្មវិធី «រាត្រីសមោសរ រៃអង្គាសថវិកា អៃរាវត្តា ២០២៦»។

កំពង់ចាម៖ កំណាត់ផ្លូវបេតុងមួយកន្លែងស្ថិតនៅភូមិចុងកោះប្រលូង ស្ថិតនៅក្នុងឃុំកោមិត្ត និងផ្លូវ បេតុងស្ថិតនៅចំណុចភូមិ៩ និងភូមិទី១២ និងផ្លូដី១ខ្សែស្ថិតនៅក្នុងភូមិទី១ ក្នុងឃុំកោសូទិន ស្រុកកោះ សូទិន ខេត្តកំពង់ចាមបានទទួលរងជន់លិចជាបន្តបន្ទាប់ ខណៈដែលទឹកទន្លេមេគង្គខេត្តកំពង់ចាមនៅ តែបន្តហក់ឡើងដល់កម្ពស់១២ម៉ែត្រនេះបើតាមការបញ្ជាក់ពីលោកស្រី ស៊ុន ចន្ថា មេឃុំកោះសូទិន។

សម្ពាធទាបដែលកើតមាននៅលើមហាសមុទ្រប៉ាស៊ីហ្វីកខាងលិចបានវិវត្តទៅជាព្យុះទី១៧ ឈ្មោះ ណាងកា(Nangka)T2617 រួមជាមួយព្យុះទី១៦ ឈ្មោះ ភីលូ(Peilou)T2616 និងព្យុះទី១៥ ឈ្មោះ ចាន់ហម(Chan-hom)T2615 មានឥទ្ធិពលខ្លាំងលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ សមុទ្រចិនខាងត្បូង អាងទន្លេមេគង្គ សមុទ្រកម្ពុជា និងលើព្រះរាជាណាចក្រកម្ពុជា។ ព្រះរាជាណាចក្រកម្ពុជាពុំស្ថិតនៅក្នុងគន្លងផ្លូវដើររបស់ព្យុះទាំងបីនេះទេ ។

ព្រះសង្ឃនិងលោកតា លោកយាយ និមន្តនិងអញ្ជើញមកពីស្រុកកំពង់លែង ទស្សនាពិព័រណ៍« ការយាងត្រឡប់មកវិញនៃព្រលឹងដូនតា » នៅខេត្តកំពង់ឆ្នាំង

កម្លាំងរដ្ឋបាលជលផលកំពង់ឆ្នាំងសហការជាមួយសមត្ថកិច្ច និងសហគមន៍ចុះបង្ក្រាបបទល្មើសនេសាទ នៅស្រុកកំពង់ត្រឡាច

បាត់ដំបង៖ ដោយមានការយកចិត្តទុកដាក់ពី ឯកឧត្តម សុខ លូ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង នៅថ្ងៃទី១២ ខែសីហា ឆ្នាំ២០២៦ លោក កុសុម សុភីនារ៉ា នាយកសាខា បានបន្តចាត់មន្ត្រីប្រតិបត្តិសាខាខេត្ត សហការជាមួយអនុសាខាកាកបាទក្រហមកម្ពុជាស្រុកសំពៅលូន ដឹកនាំអ្នកស្ម័គ្រចិត្តចុះផ្សព្វផ្សាយស្តីពីហានិភ័យនៃយុទ្ធភណ្ឌមិនទាន់ផ្ទុះ ឥរិយាបថសុវត្ថិភាព ការធ្វើចំណាកស្រុកប្រកបដោយសុវត្ថិភាព និងសហគមន៍មានសុខភាពល្អ ជូនដល់ប្រជាពលរដ្ឋមកពីភូមិអូរ ឃុំសន្តិភាព ស្រុកសំពៅលូន។ វគ្គនេះត្រូវបានសម្របសម្រួលដោយ លោក យ៉ាន ឧត្តម នាយករងសាខាកាកបាទក្រហមកម្ពុជា ខេត្តបាត់ដំបង និងមានការចូលរួមពីលោក លោកស្រី មន្ត្រីអនុសាខា អ្នកស្ម័គ្រចិត្ត និងប្រជាពលរដ្ឋសរុបប្រមាណជិត ៦០នាក់។ វគ្គផ្សព្វផ្សាយនេះឧបត្ថម្ភគាំទ្រដោយគណៈកម្មាធិការអន្តរជាតិកាកបាទក្រហម និងអឌ្ឍចន្ទក្រហម (ICRC) តាមរយៈទីស្នាក់ការកណ្តាលកាកបាទក្រហមកម្ពុជា។

អភិបាលខេត្តកណ្តាល ចុះពិនិត្យគម្រោងសាងសង់សាលារៀន និងគម្រោងជួសជុល ដាក់លូបង្ហូរទឹកក្នុងក្រុងតាខ្មៅ

កិច្ចប្រជុំគណៈកម្មការរៀបចំគម្រោងខេត្ត ឆ្នាំ២០២៧ ដើម្បីជម្រុញការអភិវឌ្ឍន៍មូលដ្ឋានឱ្យកាន់តែមានប្រសិទ្ធភាព

CMAC បើកវគ្គបណ្តុះបណ្តាលស្តីពី វិធីសង្គ្រោះ និងការគ្រប់គ្រងរបួសជនរងគ្រោះដោយសារការផ្ទុះមីន និងសំណល់ជាតិផ្ទុះពីសង្គ្រាម