កូនឈើព្រៃចម្រុះ ៥,០០០ដើម ត្រូវបានអាជ្ញាធរខេត្តព្រះវិហារ និងក្រសួងបរិស្ថាន នាំយកទៅដាំស្ដារគម្របព្រៃឈើឡើងវិញ ក្នុងដែនជម្រកសត្វព្រៃបឹងពែរ!
ដើម្បីឆ្លើយតបទៅនឹងការប្រែប្រួលអាកាសធាតុ និងបង្កើនគម្របព្រៃបៃតងឡើងវិញ នាព្រឹកថ្ងៃទី១៩ ខែសីហា ឆ្នាំ២០២៦នេះ ក្រសួងបរិស្ថាន សហការជាមួយរដ្ឋបាលខេត្តព្រះវិហារ បានបើកយុទ្ធនាការដាំកូនឈើព្រៃចម្រុះចំនួន ៥,០០០ដើម រួមមាន៖ បេង ក្រញូង កកោះ គុយ និងស្មាច់ នៅលើផ្ទៃដីសរុប ២០.៣៩ហិកតា ក្នុងសហគមន៍តំបន់ការពារធម្មជាតិ «ជីឱកបឹងប្រិយ៍» នៃដែនជម្រកសត្វព្រៃបឹងពែរ ស្ថិតក្នុងឃុំរមណីយ ស្រុករវៀង ខេត្តព្រះវិហារ។
មន្ទីរព័ត៌មានខេត្តព្រះវិហាររដ្ឋបាលខេត្តព្រះវិហារព្រៃឈើក្រសួងបរិស្ថាន
