ព័ត៌មាន ទទក ប៉ៃលិន (Video) : អភិបាលខេត្តប៉ៃលិន ចុះពិនិត្យមើលការបង្ករបង្កើនផលដំណាំបន្លែ សម្រាប់ផ្គត់ផ្គង់ទីផ្សារក្នុងស្រុក និងនាំចេញ ដោយធានាបាននូវតម្លៃទីផ្សារ និងគុណភាព ប្រកបដោយទំនុកចិត្ត

លោក អ៊ឹម សុភឿន អនុប្រធានមន្ទីរ និងមន្ត្រីជំនាញអមដំណើរឯកឧត្តម គី ច័ន្ទរំដួល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដោយបានចុះជួបសំណេះសំណាល និងពិនិត្យវឌ្ឍនៈភាពការងារអភិវឌ្ឍសហគមន៍កសិកម្មកសិកម្ម ទំនើបមៀនប៉ៃលិន

លោក អ៊ឹម សុភឿន អនុប្រធានមន្ទីរ និងមន្ត្រីជំនាញ អមដំណើរឯកឧត្តម គី ច័ន្ទរំដួល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដោយបានចុះជួបសំណេះសំណាល ជាមួយថ្នាក់ដឹកនាំ និងសមាជិក សហគមន៍កសិកម្មទំនើបមៀនប៉ៃលិន នៅទីស្នាក់ការរបស់សហគមន៍ ស្ថិតនៅភូមិសួនអំពៅកើត សង្កាត់ប៉ៃលិន ក្រុង ខេត្តប៉ៃលិន ដែលមានអ្នកចូលរួមចំនួន ២៧ នាក់ ស្រី ០៨នាក់។

២៩ សីហា ២០២៦, ០១:៤៩

មន្ត្រីជំនាញនៃមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន ចុះចាក់វ៉ាក់សាំងការពារជំងឺសារទឹកគោ ជូនពលរដ្ឋឃុំស្ទឹងត្រង់

(ប៉ៃលិន)៖ នៅថ្ងៃទី២៨ ខែសីហា ឆ្នាំ២០២៦ លោក ខៀវ សុថុន ប្រធានការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទខេត្ត បានដឹកនាំក្រុមការងារ ចុះអនុវត្តការចាក់វ៉ាក់សាំងការពារជំងឺសារទឹកគោ ស្ថិតក្នុងភូមិភ្នំក្រិញ ឃុំស្ទឹងត្រង់ ស្រុកសាលាក្រៅ ក្រោមការចង្អុលបង្ហាញពីលោក សាយ សុផាត ប្រធានមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន ក្នុងគោលបំណងដើម្បីបង្ការ ទប់ស្កាត់ និងព្យាបាលជំងឺសត្វនៅមូលដ្ឋាន ឱ្យបានទាន់ពេលវេលា កាត់បន្ថយហានិភ័យ នៃការកើត និងការរីករាលដាលជំងឺសត្វ។

២៨ សីហា ២០២៦, ០៣:២៦

មន្ត្រីជំនាញកសិកម្មខេត្តប៉ៃលិន ចុះអន្តរាគមន៍ និងផ្តល់ថ្នាំកសិកម្មទប់ស្កាត់ដង្កូវហ្វូងប្រភេទថ្មីលើផ្ទៃដីពោតក្រហម ៣៥ហិកតា នៅស្រុកសាលាក្រៅ

ប៉ៃលិន៖ មន្ត្រីជំនាញ នៃមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន បានចុះពិនិត្យ វាយតម្លៃ និងចាត់វិធានការអន្តរាគមន៍ជាបន្ទាន់ ដោយផ្តល់ថ្នាំកសិកម្ម និងណែនាំបច្ចេកទេសកម្ចាត់ដង្កូវហ្វូងប្រភេទថ្មី ដែលកំពុងស៊ីបំផ្លាញដំណាំពោតក្រហមរបស់ប្រជាកសិករចំនួន ២៨គ្រួសារ លើផ្ទៃដីប្រមាណ ៣៥ហិកតា ក្នុងភូមិឡាក់ហុកពី ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

ឯកឧត្តមទេសរដ្ឋមន្ត្រី អ៊ី ឈាន និងលោកជំទាវបណ្ឌិត បាន ស្រីមុំ អញ្ជើញចុះពិនិត្យមើលភោគផលដំណាំមៀនប៉ៃលិន នៅស្រុកសាលាក្រៅ ខណៈទីផ្សារកំពុងមានតម្រូវការខ្ពស់

១៦ សីហា ២០២៦, ០២:១៩

ឯកឧត្តមទេសរដ្ឋមន្ត្រី អ៊ី ឈាន និងលោកជំទាវបណ្ឌិត បាន ស្រីមុំ អញ្ជើញចុះពិនិត្យមើលភោគផលដំណាំមៀនប៉ៃលិន នៅស្រុកសាលាក្រៅ ខណៈទីផ្សារកំពុងមានតម្រូវការខ្ពស់

ខេត្តប៉ៃលិន៖ នារសៀលថ្ងៃទី១៥ ខែសីហា ឆ្នាំ២០២៦ ឯកឧត្តមទេសរដ្ឋមន្ត្រី អ៊ី ឈាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តប៉ៃលិន រួមជាមួយលោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន និងឯកឧត្តម សៅ សារ៉ាត់ អ្នកតំណាងរាស្ត្រមណ្ឌលប៉ៃលិន ព្រមទាំងក្រុមការងារអមដំណើរ បានអញ្ជើញចុះពិនិត្យមើលភោគផលដំណាំមៀនប៉ៃលិន របស់ប្រជាកសិករនៅភូមិទំនប់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ដើម្បីវាយតម្លៃស្ថានភាពផលដំណាំផ្ទាល់ និងជំរុញការបន្តពង្រឹងខ្សែច្រវាក់ផលិតកម្ម ខណៈដំណាំមៀនប៉ៃលិននាពេលបច្ចុប្បន្នកំពុងទទួលបានទីផ្សារល្អ និងមានតម្រូវការខ្ពស់។

មន្ទីរជំនាញខេត្តប៉ៃលិន ចុះវាយតម្លៃ និងអន្តរាគមន៍សង្គ្រោះស្រូវវស្សាចំនួន ៣.០៣០ហិកតា ពីគ្រោះរាំងស្ងួត នៅឃុំស្ទឹងត្រង់

១១ សីហា ២០២៦, ០២:៤៤

មន្ទីរជំនាញខេត្តប៉ៃលិន ចុះវាយតម្លៃ និងអន្តរាគមន៍សង្គ្រោះស្រូវវស្សាចំនួន ៣.០៣០ហិកតា ពីគ្រោះរាំងស្ងួត នៅឃុំស្ទឹងត្រង់

ប៉ៃលិន៖ នៅថ្ងៃទី១០ ខែសីហា ឆ្នាំ២០២៦ លោក សាយ សុផាត ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តប៉ៃលិន បានសហការជាមួយលោក ង៉ា លីហុង ប្រធានមន្ទីរធនធានទឹក និងឧតុនិយម ខេត្តប៉ៃលិន ព្រមទាំងមន្ត្រីជំនាញ បានចុះពិនិត្យផ្ទាល់ដល់ផលិតកម្មដំណាំស្រូវ និងវាយតម្លៃស្ថានភាពផលប៉ះពាល់ដោយសារគ្រោះរាំងស្ងួត លើដំណាំស្រូវរដូវវស្សារបស់ប្រជាកសិករ ស្ថិតនៅក្នុងឃុំស្ទឹងត្រង់។

លោកជំទាវអភិបាលខេត្ត ស្នើឱ្យជំនាញជលផលពិនិត្យជ្រើសរើសពូជត្រី ដែលអាចបន្សាំ និងបន្តពូជក្នុងទឹកស្ទឹងបាន

៣១ កក្កដា ២០២៦, ០៨:៣៤

លោកជំទាវអភិបាលខេត្ត ស្នើឱ្យជំនាញជលផលពិនិត្យជ្រើសរើសពូជត្រី ដែលអាចបន្សាំ និងបន្តពូជក្នុងទឹកស្ទឹងបាន

(ប៉ៃលិន)៖ លោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិន បានមានប្រសាសន៍ថា មន្ទីរកសិកម្ម រុក្ខាប្រមាញ់ និងនេសាទ ជាពិសេសផ្នែកជលផល ត្រូវពិនិត្យជ្រើសរើសពូជត្រីដែលត្រូវលែង ឱ្យជាពូជដែលអាចបន្សាំនឹងស្ថានភាពទឹកស្ទឹងដែលមានចរន្តហូរបាន ព្រោះប្រភេទត្រីខ្លះមិនអាចរស់នៅ និងបន្តពូជក្នុងទឹកស្ទឹងបានទេ។ ម្យ៉ាងទៀត ខេត្តប៉ៃលិនជាតំបន់ខ្ពង់រាប ដែលមានតែស្ទឹង អូរ និងប្រឡាយ មិនមានបឹង ឬទន្លេធម្មជាតិ សម្រាប់ឱ្យត្រីគ្រប់ប្រភេទធ្វើជាជម្រក និងពងកូននោះទេ។

ព័ត៌មានថ្មីៗ

ថ្នាក់ដឹកនាំខេត្តមណ្ឌលគិរី និងពុទ្ធបរិស័ទ អញ្ជើញចូលរួមពិធីបុណ្យកាន់បិណ្ឌវេនទី៧ នៅវត្តព្រះពុទ្ធមណ្ឌលគិរី

៣ តុលា ២០២៦

សកម្មភាពថ្នាក់ដឹកនាំ

ថ្នាក់ដឹកនាំខេត្តមណ្ឌលគិរី និងពុទ្ធបរិស័ទ អញ្ជើញចូលរួមពិធីបុណ្យកាន់បិណ្ឌវេនទី៧ នៅវត្តព្រះពុទ្ធមណ្ឌលគិរី

ខេត្តមណ្ឌលគិរី ៖ នាព្រឹកថ្ងៃទី៣ ខែតុលា ឆ្នាំ២០២៦ ឯកឧត្តម ថង សាវុន រដ្ឋលេខាធិការក្រសួងមហាផ្ទៃ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត និងឯកឧត្តម គង់ គឹមនី អភិបាលខេត្តមណ្ឌលគិរី រួមជាមួយសមាជិកក្រុមប្រឹក្សាខេត្ត អភិបាលរងខេត្ត ប្រធានមន្ទីរ-អង្គភាពជុំវិញខេត្ត និងពុទ្ធបរិស័ទជិតឆ្ងាយ បានអញ្ជើញចូលរួមពិធីបុណ្យកាន់បិណ្ឌវេនទី៧ និងនាំយកទេយ្យវត្ថុ គ្រឿងឧបភោគបរិភោគ និងបច្ច័យ ប្រគេនព្រះសង្ឃដែលគង់ចាំព្រះវស្សា នៅវត្តព្រះពុទ្ធមណ្ឌលគិរី ស្ថិតក្នុងក្រុងសែនមនោរម្យ ខេត្តមណ្ឌលគិរី។

ថ្នាក់ដឹកនាំខេត្តមណ្ឌលគិរី និងកាកបាទក្រហមកម្ពុជាខេត្ត ចុះសួរសុខទុក្ខ និងឧបត្ថម្ភថវិកាជូនគ្រួសារទារកកើតកូនភ្លោះ នៅមន្ទីរពេទ្យបង្អែកខេត្ត

៣ តុលា ២០២៦

សកម្មភាពថ្នាក់ដឹកនាំ

ថ្នាក់ដឹកនាំខេត្តមណ្ឌលគិរី និងកាកបាទក្រហមកម្ពុជាខេត្ត ចុះសួរសុខទុក្ខ និងឧបត្ថម្ភថវិកាជូនគ្រួសារទារកកើតកូនភ្លោះ នៅមន្ទីរពេទ្យបង្អែកខេត្ត

ខេត្តមណ្ឌលគិរី ៖ ថ្នាក់ដឹកនាំខេត្តមណ្ឌលគិរី រួមជាមួយសាខាកាកបាទក្រហមកម្ពុជាខេត្ត បានអញ្ជើញចុះសួរសុខទុក្ខ និងនាំយកអំណោយ ព្រមទាំងថវិកាឧបត្ថម្ភ ទៅផ្តល់ជូនគ្រួសារមាតា និងទារកកើតកូនភ្លោះ ដែលកំពុងសម្រាកព្យាបាល និងថែទាំសុខភាពនៅមន្ទីរពេទ្យបង្អែកខេត្តមណ្ឌលគិរី នាព្រឹកថ្ងៃទី០៣ ខែតុលា ឆ្នាំ២០២៦។ ពិធីនេះដឹកនាំដោយ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត ឯកឧត្តម គង់ គឹមនី អភិបាលនៃគណៈអភិបាលខេត្តមណ្ឌលគិរី និង ឯកឧត្តម សាយ ម៉េងគីម អនុប្រធានអចិន្រ្តៃយ៍ សាខាកាកបាទក្រហមកម្ពុជាខេត្ត ព្រមទាំងសមាជិក សមាជិកាជាច្រើនរូប។

ថ្នាក់ដឹកនាំខេត្តមណ្ឌលគិរី អញ្ជើញសំណេះសំណាល និងនាំយកអំណោយចែកជូនកងកម្លាំងវរនគរបាលការពារព្រំដែនគោកលេខ ៦២១ និង៣០៣ នាឱកាសបុណ្យកាន់បិណ្ឌ និងភ្ជុំបិណ្ឌ

២ តុលា ២០២៦

សកម្មភាពថ្នាក់ដឹកនាំ

ថ្នាក់ដឹកនាំខេត្តមណ្ឌលគិរី អញ្ជើញសំណេះសំណាល និងនាំយកអំណោយចែកជូនកងកម្លាំងវរនគរបាលការពារព្រំដែនគោកលេខ ៦២១ និង៣០៣ នាឱកាសបុណ្យកាន់បិណ្ឌ និងភ្ជុំបិណ្ឌ

ខេត្តមណ្ឌលគិរី៖ ដោយមានការយកចិត្តទុកដាក់ និងលើកទឹកចិត្តដល់កងកម្លាំងប្រដាប់អាវុធដែលកំពុងឈរជើងការពារបូរណភាពទឹកដីនៅតាមខ្សែបន្ទាត់ព្រំដែន នារសៀលថ្ងៃទី០២ ខែតុលា ឆ្នាំ២០២៦ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត និងឯកឧត្តម គង់ គឹមនី អភិបាលខេត្ត ព្រមទាំងប្រធានមន្ទីរ-អង្គភាពជុំវិញខេត្ត និងអាជ្ញាធរស្រុក បានអញ្ជើញចុះសំណេះសំណាល សួរសុខទុក្ខ និងនាំយកអំណោយចែកជូនដល់កងកម្លាំងវរនគរបាលការពារព្រំដែនគោកលេខ ៦២១ និងលេខ ៣០៣ នាឱកាសបុណ្យកាន់បិណ្ឌ និងភ្ជុំបិណ្ឌ ដែលប្រព្រឹត្តទៅនៅបញ្ជាការដ្ឋានវរនគរបាលការពារព្រំដែនគោកលេខ ៦២១ ស្ថិតក្នុងភូមិឡេះ ឃុំដាក់ដាំ ស្រុកអូររាំង។

មន្ត្រីឧទ្យានុរក្សខេត្តមណ្ឌលគិរី និងសហគមន៍ដោះអន្ទាក់បានជាង ៥០០ខ្សែ និងជួយសង្គ្រោះសត្វជ្រូកព្រៃជាប់អន្ទាក់ ៨ក្បាល ក្នុងដែនជម្រកសត្វព្រៃភ្នំព្រេច-លំផាត់

២ តុលា ២០២៦

បរិស្ថាន

មន្ត្រីឧទ្យានុរក្សខេត្តមណ្ឌលគិរី និងសហគមន៍ដោះអន្ទាក់បានជាង ៥០០ខ្សែ និងជួយសង្គ្រោះសត្វជ្រូកព្រៃជាប់អន្ទាក់ ៨ក្បាល ក្នុងដែនជម្រកសត្វព្រៃភ្នំព្រេច-លំផាត់

ខេត្តមណ្ឌលគិរី៖ ចាប់ពីថ្ងៃទី២៨ ខែកញ្ញា ដល់ថ្ងៃទី០១ ខែតុលា ឆ្នាំ២០២៦ មន្ត្រីឧទ្យានុរក្សស្នាក់ការកណ្ដាលរយ៉លើ សហការជាមួយអ្នកស្ម័គ្រចិត្តល្បាតសហគមន៍ បានចុះបេសកកម្មទប់ស្កាត់ បង្ក្រាបបទល្មើសធនធានធម្មជាតិ និងផ្សព្វផ្សាយច្បាប់បរិស្ថានក្នុងដែនជម្រកសត្វព្រៃភ្នំព្រេច-លំផាត់។ ជាលទ្ធផលក្នុងប្រតិបត្តិការល្បាតរយៈពេល ៤ថ្ងៃនេះ ក្រុមការងារដោះសា និងប្រមូលអន្ទាក់ខ្សែគោបានសរុប ៥៣៣ខ្សែ ព្រមទាំងបានជួយសង្គ្រោះ និងដោះលែងសត្វជ្រូកព្រៃដែលជាប់អន្ទាក់ព្រានបានសរុបចំនួន ០៨ក្បាល (ក្នុងនោះ ០៦ក្បាល ជួយសង្គ្រោះបាននៅថ្ងៃទី៣០ ខែកញ្ញា និង ០២ក្បាលទៀត ជួយសង្គ្រោះបាននៅថ្ងៃទី០១ ខែតុលា) ឱ្យរួចផុតពីគ្រោះថ្នាក់ និងត្រឡប់ចូលទៅរស់នៅក្នុងព្រៃធម្មជាតិវិញដោយសុវត្ថិភាព។ ក្រៅពីនេះ ក្រុមការងារបានប្រទះឃើញសពសត្វស្វាព្រាម ១ក្បាល ងាប់ស្អុយរលួយដោយសារអន្ទាក់ ព្រមទាំងបានប្រទះឃើញវត្ថុតាងមានជីវិតជាច្រើនទៀត ដូចជាសត្វស្វាព្រាមប្រមាណ ២០ក្បាល និងដានជើងសត្វទន្សោងជាច្រើនក្បាលផងដែរ។